பொதுநலவாய விளையாட்டு விழா இலங்கை நீச்சல் குழாம் அறிவிப்பு

அவுஸ்திரேலியாவின் கோல்ட் கோஸ்ட் நகரில் எதிர்வரும் ஏப்ரல் மாதம் ஆரம்பமாகவுள்ள பொதுநலவாய நாடுகளின் விளையாட்டு விழாவில் நீச்சல் போட்டிகளுக்காக தகுதியைப் பெற்றுக்கொண்ட 6 பேர் கொண்ட இலங்கை நீச்சல் குழாமை இலங்கை நீர்நிலை விளையாட்டு சம்மேளனம் அறிவித்துள்ளது.

இவ்வாறு அறிவிக்கப்பட்டுள்ள நீச்சல் குழாமில் 4 வீரர்களும், 2 வீராங்கனைகளும் இடம்பெற்றுள்ளதுடன், அவர்களுள் 2016 றியோ ஒலிம்பிக்கில் இலங்கையை பிரதிநிதித்துவப்படுத்திய மெத்யூ அபேசிங்க மற்றும் கிமிகோ ரஹீம் ஆகிய அனுபவமிக்க வீரர்களும் இம்முறை பொதுநலவாய நாடுகள் விளையாட்டு விழாவில் இலங்கையைப் பிரிதிநிதித்துவப்படுத்தவுள்ளனர்.

உபாதைக்குப் பிறகு மீண்டும் போட்டிகளுக்கு திரும்பியுள்ள மெத்யூ அபேசிங்க, அண்மையில் ஐக்கிய அமெரிக்காவின் ஒஹியோவில் நடைபெற்ற திறந்த நீச்சல் போட்டிகளில் ஆண்களுக்கான 100 மீற்றர் சாதாரண நீச்சலில் 5ஆவது இடத்தையும், 200 மீற்றர் சாதாரண நீச்சலில் 18ஆவது இடத்தையும் பெற்றார். இதனால், பொதுநலவாய நாடுகளுக்கான போட்டிகளில் விளையாடும் வாய்ப்பை மெத்யூ பெற்றுக்கொண்டமை குறிப்பிடத்தக்கது.

இலங்கை நீச்சல் அணிக்காக அண்மைக்காலமாக பல வெற்றிகளைப் பெற்றுக்கொடுத்த கிமிகோ ரஹீமும் இம்முறை பொதுநலவாய நாடுகள் போட்டித் தொடரில் கலந்துகொள்ளவுள்ளார்.

முன்னதாக 2016ஆம் ஆண்டு நடைபெற்ற தெற்காசிய விளையாட்டு விழாவில் சாதாரண மற்றும் மல்லாக்கு நீச்சல் போட்டிகளில் அவர் தங்கப்பதக்கங்களை வென்றிருந்தமை குறிப்பிடத்தக்கது.

19 வயதான கிமிகோ ரஹீம், கடந்த வருடம் நடைபெற்ற தேசிய குறுந்தூர நீச்சல் போட்டித் தொடரின் திறந்த வயதுப்பிரிவில் தான் பங்குபற்றிய 4 போட்டிகளிலும் புதிய தேசிய சாதனை படைத்திருந்தமையும் இங்கு நினைவுகூறத்தக்கது. 

Ninaivil

திரு கிருஸ்ணபிள்ளை உதயகுமாரன்
திரு கிருஸ்ணபிள்ளை உதயகுமாரன்
புங்குடுதீவு
புங்குடுதீவு
15 செப்ரெம்பர் 2018
Pub.Date: September 17, 2018
திரு குமாரசாமி லிங்கதாசன் (The Former Agriculture Instructor)
திரு குமாரசாமி லிங்கதாசன் (The Former Agriculture Instructor)
யாழ். மானிப்பாய
கனடா
14 செப்ரெம்பர் 2018
Pub.Date: September 15, 2018
திருமதி பசுபதி இராசமணி
திருமதி பசுபதி இராசமணி
யாழ். பலாலி
பிரான்ஸ்
12 செப்ரெம்பர் 2018
Pub.Date: September 14, 2018
திருமதி பாலசுப்பிரமணியம் விக்னேஸ்வரி (பேபி)
திருமதி பாலசுப்பிரமணியம் விக்னேஸ்வரி (பேபி)
யாழ். கொக்குவில்
ஜெர்மனி
11 செப்ரெம்பர் 2018
Pub.Date: September 13, 2018
திரு அழகரத்தினம் மோகனநாதன் (மதன்)
திரு அழகரத்தினம் மோகனநாதன் (மதன்)
வவுனியா
சுவிஸ்
7 செப்ரெம்பர் 2018
Pub.Date: September 12, 2018
திருமதி கனகரத்தினம் செல்லம்மா
திருமதி கனகரத்தினம் செல்லம்மா
யாழ். கட்டுவன்
கனடா
10 செப்ரெம்பர் 2018
Pub.Date: September 11, 2018