இலங்கை- சிங்கப்பூர் நாளை பலப்பரீட்சை

கொழும்பு சுகததாச உள்ளக அரங்கில் நடைபெறவுள்ள நான்கு அணிகள் கலந்துகொள்ளும் வலைப்பந்து போட்டியில் பங்கேற்பதற்காக ஆசியாவின் முதல் நிலை வலைப்பந்து அணியான சிங்கப்பூர் அணி நாளை 27 தொடக்கம் 30ஆம் திகதி வரை இலங்கைக்கு சுற்றுப்பயணம் மேற்கொள்ளவுள்ளது.

இலங்கை வலைப்பந்து சம்மேளனம் (NFSL) ஏற்பாடு செய்யும் இந்த தொடரில் இலங்கை மற்றும் சிங்கப்பூர் ஆகிய இரு தேசிய அணிகளுடன் இலங்கை அபிவிருத்தி அணி மற்றும் இங்கிலாந்தின் PStar வலைப்பந்து கழகமும் பங்கேற்கின்றன.

ரவுன்ட்-ரொபின் (Round-robin) அடிப்படையிலேயே இந்த தொடர் நடைபெறவுள்ளது. இதன்போது ஒவ்வொரு அணியும் மூன்று போட்டிகளில் விளையாடும் முடிவில் முதலிரு இடங்களைப் பிடிக்கும் அணிகள் சம்பியன் பட்டத்திற்கு பலப்பரீட்சை நடத்தவுள்ளது. அடுத்த இரண்டு அணிகளும் 3 ஆவது இடத்திற்காக போட்டியிடும்.

சிங்கப்பூரில் எதிர்வரும் செப்டெம்பர் 1 ஆம் திகதி தொடக்கம் 10 ஆம் திகதி வரை நடைபெறவுள்ள ஆசிய வலைப்பந்து சம்பியன்ஷிப் போட்டிக்கு -இலங்கை தேசிய அணிக்கு முக்கிய பயிற்சியை வழங்கும் நோக்கிலேயே இந்த தொடர் ஏற்பாடு செய்யப்பட்டிருப்பதாக இலங்கை வலைப்பந்து சம்மேளனத்தின் தலைவர் ட்ரிக்சி நாணயக்கார தெரிவித்தார்.

இலங்கை மற்றும் சிங்கப்பூர் அணிகள் வலைப்பந்து அரங்கில் பலமான போட்டியாளர்களாக இருப்பதோடு, இரு அணிகளும் நெருக்கமான பல போட்டிகளில் மோதியுள்ளன. குறிப்பாக ஆசிய வலைப்பந்து சம்பியன்ஷிப் போட்டிகளில் இரு அணிகளும் கடும் போட்டியாளர்களாக உள்ளன.

கடந்த 10 சம்பியன்ஷிப் தொடர்களில் சிங்கப்பூர் மற்றும் இலங்கை 7 தொடர்களில் சம்பியன் பட்டம் வென்று பிராந்தியத்தில் ஆதிக்கம் செலுத்துகின்றன.

எவ்வாறாயினும் அண்மைக் காலத்தில் சிங்கப்பூர் உலக வலைப்பந்து தரவரிசையில் 20 ஆவது இடத்திற்கு முன்னேறி இலங்கையை விடவும் பலம் கொண்ட அணியாக மாறியுள்ளது. இதில் இலங்கை அணி ஆசியாவின் மற்றொரு பலம்மிக்க அணியான மலேசியாவுக்கு (24 ஆவது இடம்) பின்னால் தரவரிசையில் 25 ஆவது இடத்தில் காணப்படுகிறது. இவ்விரு அணிகளும் எதிர்வரும் ஞாயிற்றுக்கிழமை (27) முதல் போட்டியில் மோதவிருப்பது உற்சாகத்தை ஏற்படுத்துவதாக உள்ளது. 

Ninaivil

திருமதி பிரியா சுரேஸ்
திருமதி பிரியா சுரேஸ்
யாழ். பண்ணாகம்
டென்மார்க், லண்டன்
28 NOV 2018
Pub.Date: December 9, 2018
திரு ரஞ்சன் குமாரசுவாமி
திரு ரஞ்சன் குமாரசுவாமி
யாழ். கொடிகாமம்
கனடா
06 DEC 2018
Pub.Date: December 7, 2018
திருமதி ஜெயவாணி சிவபாதசுந்தரம்
திருமதி ஜெயவாணி சிவபாதசுந்தரம்
யாழ். அல்லைப்பிட்டி
பிரித்தானியா
04 DEC 2018
Pub.Date: December 6, 2018
திருமதி செல்லம்மா சின்னத்தம்பி
திருமதி செல்லம்மா சின்னத்தம்பி
யாழ். இணுவில்
அவுஸ்திரேலியா
06 DEC 2018
Pub.Date: December 5, 2018
திருமதி சியாமளா விஜயராஜன் (சாமினி)
திருமதி சியாமளா விஜயராஜன் (சாமினி)
யாழ். புங்குடுதீவு
லண்டன்
01 DEC 2018
Pub.Date: December 4, 2018
செல்லத்துரை கனகரட்ணம் (சிவஞானம்)
செல்லத்துரை கனகரட்ணம் (சிவஞானம்)
யாழ்.கோண்டாவில்
கனடா
02 DEC 2018
Pub.Date: December 3, 2018