ஜெயலலிதாவின் வாரிசுகள் என்பதை நிரூபிப்போம் டி.டி.வி.தினகரன் எம்.எல்.ஏ. பேச்சு

சென்னை அசோக்நகரில் உள்ள நடேசன் சாலையில் அம்மா மக்கள் முன்னேற்ற கழகத்தின் (அ.ம.மு.க.) தலைமை அலுவலகம் புதிதாக அமைக் கப்பட்டுள்ளது. இதனை நேற்று நடந்த விழாவில் அக்கட்சியின் துணை பொதுச்செயலாளர் டி.டி.வி.தினகரன் எம்.எல்.ஏ. ரிப்பன் வெட்டி திறந்து வைத்தார்.

இதையடுத்து குத்துவிளக்கு ஏற்றி, அ.ம.மு.க. தலைமை அலுவலகத்தின் செயல்பாடுகளையும் அவர் தொடங்கி வைத்தார். இதன் பின்னர் கட்சி அலுவலகத்தில் பெரியார், அண்ணா, எம்.ஜி.ஆர்., ஜெயலலிதா ஆகியோருடைய படங்களுக்கு டி.டி.வி.தினகரன் மலர் தூவி மரியாதை செலுத்தினார். தலைமை அலுவலகத்தில் கட்சி பணிகளையும் அவர் 

உடனடியாக தொடங்கினார். கட்சி அலுவலகத்தின் வெளியே திரண்டிருந்த தொண்டர்கள் மத்தியில் டி.டி.வி.தினகரன் பேசியதாவது.

எம்.ஜி.ஆர். மறைவுக்கு பின்னர் ஜெயலலிதா தலைமை கழகத்தை பெறுவதற்கும், அ.தி.மு.க.வை தொண்டர்களிடம் மீண்டும் சேர்ப்பதற்கும் ஆழ்வார்பேட்டை அசோக் தெருவில் அலுவலகத்தை தொடங்கினார். அ.தி.மு.க. வையும் மீட்டெடுத்தார். 30 ஆண்டுகளுக்கு பின்னர் ஜெயலலிதா வளர்த்த இயக்கத்தை மீட்டெடுப்பதற்காக அசோக்நகரில் நாம் அலுவலகத்தை திறந்திருக்கிறோம்.

அ.தி.மு.க.வையும், தலைமை கழகத்தையும் மீட்டெடுக்கும் வரை இந்த இடத்தில் அலுவலகம் இயங்கும். தலை நிமிர்ந்த இயக்கமாக வெற்றி நடைபோட்ட இயக்கம், இன்று தத்தி, தத்தி...மண்டியிட்டு அடிமைகளின் ராஜ்ஜியமாக திகழ்கிறது. மீண்டும் இதை தொண்டர்கள் கையில் சேர்ப்பதற்கு தியாக தலைவி சசிகலா தலைமையில் போராடிக்கொண்டிருக்கிறோம்.

அ.தி.மு.க. என்ற மக்கள் இயக்கத்தை மீட்டெடுப்பதற்கும், இரட்டை இலையை மீட்டெடுப்பதற்காகவும் நாம் செயல்பட்டுக்கொண்டிருக்கிறோம்.

இரட்டை இலையை மீட்டெடுப்பதற்கும், அ.தி. மு.க.வை மீட்டெடுப்பதற்கும் முதல் கட்டமாக ஆர்.கே.நகரில் சுயேச்சையாக போட்டியிட்டு மாபெரும் வெற்றி பெற்றோம்.

ஆர்.கே.நகரில் நிரூபித்தது போல வரும் தேர்தல்களில் போட்டியிட்டு வெற்றி பெற்று நாம் தான் ஜெயலலிதாவின் வாரிசுகள் என்பதை நிரூபிப்போம். நிச்சயம் நாம் கோட்டையில் கொடி ஏற்றுவோம். மக்கள் விரும்பும் ஆட்சியை நாம் கொடுப்போம். அனைத்து தரப்பினரின் கோரிக்கைகளை நிறைவேற்றி தருவோம்.

படித்த இளைஞர்களுக்கு வேலை வாய்ப்பை உருவாக்கி தருவோம் என்று உறுதி கூறுகிறேன். அ.ம.மு.க.வுக்கு அலுவலகம் அமைக்க சென்னையில் யாருமே இடம் தராத போது, முன்னாள் அமைச்சர் இசக்கி சுப்பையா இடம் கொடுத்தார். இவ்வாறு அவர் கூறினார்.

சசிகலா புஷ்பா எம்.பி., ஜெயா தொலைக்காட்சியின் தலைமை செயல் இயக்குனர் விவேக் ஜெயராமன், முன்னாள் அமைச்சர்கள் பழனியப்பன், செந்தில்பாலாஜி, இசக்கி சுப்பையா உள்பட பலர் விழாவில் கலந்துகொண்டனர்.

Ninaivil

அமரர் சண்முகம் தவக்குமார் (நந்தன்)
அமரர் சண்முகம் தவக்குமார் (நந்தன்)
யாழ் வல்வெட்டி
கனடா
17.4.2019
Pub.Date: May 17, 2019
திருமதி மீனலோஜனி வரதராஜா
திருமதி மீனலோஜனி வரதராஜா
மலேசியா
யாழ். சுன்னாகம் மயிலணி, Oman, கனடா Toronto
14 MAY 2019
Pub.Date: May 15, 2019
திருமதி நடராசா வசந்தகோகிலம்
திருமதி நடராசா வசந்தகோகிலம்
யாழ். சிறாம்பியடி
யாழ். வண்ணார்பண்ணை
14 MAY 2019
Pub.Date: May 14, 2019
திரு சிவசிதம்பரம் கோபாலபிள்ளை (சிவா கோபால்)
திரு சிவசிதம்பரம் கோபாலபிள்ளை (சிவா கோபால்)
யாழ். வேலணை
ஐக்கிய அமெரிக்கா Columbus Ohio
17 APR 2019
Pub.Date: May 13, 2019
திருமதி நிர்மலா செல்வநாயகம்
திருமதி நிர்மலா செல்வநாயகம்
யாழ். இளவாலை
கனடா
11 MAY 2019
Pub.Date: May 12, 2019
செல்வி ஜெசி ஜெகசீலன்
செல்வி ஜெசி ஜெகசீலன்
இங்கிலாந்து
Bristol
16 APR 2019
Pub.Date: May 10, 2019