காணாமற்போனோர் தொடர்பான அலுவலகத்துக்கு கால அவகாசம் கொடுங்கள் -கனேடிய தூதுவர் தெரிவிப்பு

காணாமல் ஆக்கப்பட்டவர்கள் தொடர்பாக திறக்கப்பட்டுள்ள அலுவலகம் சம்பந்தமாக உடன் புரிந்து கொள்ள முடியாவிடினும் அவர்களுக்கு அவகாசம் கொடுத்து பார்ப்பது நலம் என இலங்கைக்கான கனேடிய தூதுவர் டான்ட் மிக்கினோ தெரிவித்துள்ளார்.

கனேடிய நாட்டின் இலங்கைக்கான தூதுவர் டான்ட் மிக்கினோ நேற்றுமுன்தினம் திங்கட்கிழமை மாலை மன்னாருக்கு வருகை தந்த நிலையில் மன்னார் மாவட்ட பிரஜைகள் குழு அலுவலகத்தில் தலைவர் அருட்பணி ஞானப்பிரகாசம் அடிகளார் தலைமையில் ஆளுநர் சபை பிரதிநிதிகளை சந்தித்து உரையாடுகையிலேயே இவ்வாறு தெரிவித்துள்ளார்.

அவர் மேலும் கருத்து தெரிவிக்கையில்,,

இலங்கையில் சமாதானத்தையும் நல்லிணக்கத்தையும் ஏற்படுத்தும் விடயத்தில் கனேடிய அரசாங்கமானது பெரும் ஆதரவை வழங்கி வருகின்றது.இதனால் வடக்கு, கிழக்குப் பகுதிக்குச் சென்று மக்களின் நிலைப்பாட்டை அறிந்து கொள்ளும் முகமாகவே நான் மன்னாருக்கு வந்துள்ளேன்.

நான் இலங்கைக்கான கனேடிய தூதுவராக வந்து ஒன்பது மாதங்கள் தான். தற்பொழுது மன்னாருக்கு வந்தது எனக்கு இது முதல் தடவையாகும்.

மன்னார் மாவட்ட பிரஜைகள் குழுவாகிய நீங்கள் என்னிடம் என்ன கேட்க விரும்புகின்றீர்கள்? என அவர் கேட்டார்.

காணாமல் ஆக்கப்பட்டவர்கள் மற்றும் காணாமல் ஆக்கப்பட்டவர்களின் விடயமாக திறக்கப்பட்டுள்ள அலுவலகம் சம்பந்தமாக உரையாடல் இடம்பெற்றது.இந்த அலுவலகம் அரசுக்கு சாதகமாகத்தான் செயல்படும் போல் எங்களுக்கு சந்தேகம் ஏற்படுவதாக பிரஜைகள் குழுவின் தலைவர் அருட்பணி ஞானப்பிரகாசம் தெரிவித்தனர்.இதற்கு கனேடிய தூதுவர் பதிலளிக்கையில் ,,

இந்த அலுவலகத்தை முன்னெடுத்துச் செல்பவர் சாலிய பீரீஸ். அவர் மிகவும் நல்லவர்.இருந்தும் கொஞ்சக் காலத்துக்கு சந்தர்ப்பத்தை அவர்களுக்கு கொடுத்துப் பாருங்கள். இப்பொழுது அவர்களின் செயல்பாட்டை உடன் கணிக்க முடியாது என்றார்.

காணாமல் போனவர்களைப் பற்றி தெரிவிக்கப்படுகின்ற இதே வேளை காணாமல் ஆக்கியவர்களை இந்த அரசு கவனம் செலுத்துவதாக தெரியவில்லையென பிரஜைகள் குழுவினரால் தெரிவிக்கப்பட்டது.

அதற்கு தூதுவர் கருத்து தெரிவிக்கையில்காணாமல் ஆக்கப்பட்டவர்களையும் காணாமல் ஆக்கியவர்களையும் கொண்ட திட்டங்களை கொண்டே பல நிபுணர்களை உள்வாங்கி செயல்படுகின்றது.

இதற்கு கனேடிய அரசாங்கம் இவர்களுக்கு ஆதரவு வழங்கி வருவதுடன் ஊக்கத்தையும் வழங்குகின்றது. கனடாவைச் சேர்ந்த ஒரு சில தொண்டர் பணியாளர்களும் இவர்களுடன் இணைந்து பணியாற்றுகின்றனர் என்றார்.

கனேடிய அரசால் வழங்கப்படும் உதவிகள் உண்மையில் பாதிப்படைந்துள்ள மக்களுக்கு போய்ச் சேர்கின்றதா என்பதையும் கவனத்தில் கொள்ள வேண்டும் எனவும் அங்கு கருத்துக்கள் தெரிவிக்கப்பட்டது.

Ninaivil

திருமதி சிவபாக்கியம் பரமசாமி
திருமதி சிவபாக்கியம் பரமசாமி
யாழ். எழுதுமட்டுவாள்
கனடா
21 MAY 2019
Pub.Date: May 22, 2019
திருமதி மகேஸ்வரி குருமூர்த்தி
திருமதி மகேஸ்வரி குருமூர்த்தி
கிளிநொச்சி வட்டக்கச்சி
கனடா
19 MAY 2019
Pub.Date: May 20, 2019
அமரர் சண்முகம் தவக்குமார் (நந்தன்)
அமரர் சண்முகம் தவக்குமார் (நந்தன்)
யாழ் வல்வெட்டி
கனடா
17.4.2019
Pub.Date: May 17, 2019
திருமதி மீனலோஜனி வரதராஜா
திருமதி மீனலோஜனி வரதராஜா
மலேசியா
யாழ். சுன்னாகம் மயிலணி, Oman, கனடா Toronto
14 MAY 2019
Pub.Date: May 15, 2019
திருமதி நடராசா வசந்தகோகிலம்
திருமதி நடராசா வசந்தகோகிலம்
யாழ். சிறாம்பியடி
யாழ். வண்ணார்பண்ணை
14 MAY 2019
Pub.Date: May 14, 2019