தோல்வியால் துவண்டு போய் இருக்கும் ஆர்யா!! கைகொடுக்குமா 'கஜினிகாந்த்'?

தொடர் தோல்விகளைச் சந்தித்து வரும் நடிகர் ஆர்யா, சந்தோஷ் பி. ஜெயக்குமார் இயக்கத்தில் நடித்துள்ள ‘கஜினிகாந்த்’ திரைப்படம் வரும் ஆகஸ்ட் 3 ஆம் தேதி வெளியாக உள்ளது. 

‘அறிந்தும் அறியாமலும்’ படத்தின் மூலம் தமிழ் சினிமாவில் அறிமுகமானவர் ஆர்யா. ‘உள்ளம் கேட்குமே’ படத்தின் மூலம் சாக்லேட் பாயாக பார்க்கப்பட்ட ஆர்யா, அதன்பின் வட்டாரம், பட்டியல் உள்ளிட்ட படங்களில் ரவுடியாக நடித்து ஆக்ஷன் ஹீரோவாக தன்னைக் காட்டிக்கொண்டார். ஆனால், அவரின் படங்கள் எதுவும் சரிவர ஓடாததால், பெரிய ஹீரோவாக வளர முடியாமல் தவித்து வந்தார். 

இதனைத் தொடர்ந்து, பாலா இயக்கத்தில் வெளியான ‘நான் கடவுள்’ ஆர்யாவுக்கு மிகப்பெரிய திருப்புமுனையாக அமைந்தது. படம் மிகப்பெரிய அளவில் வெற்றி பெறவில்லை என்ற போதும், படத்தில் ஆர்யாவின் நடிப்பானது, பலராலும் பாராட்டப்பட்டது.

இதையடுத்து வெளியான சர்வம், மதராசப்பட்டினம், பாஸ் என்கிற பாஸ்கரன், வேட்டை, அவன் இவன் உள்ளிட்ட படங்கள் நல்ல வரவேற்பைப் பெற்றதால், தமிழ் சினிமாவில் வளர்ந்து இளம் நடிகர்களில் மிகவும் முக்கியத்துவம் வாய்ந்தவராக நடிகர் ஆர்யா பார்க்கப்பட்டார். அதன் பிறகு, இயக்குநர் அட்லி இயக்கத்தில் ஆர்யா, நயன்தாரா, சந்தானம் நடிப்பில் வெளியான ராஜா ராணி திரைப்படம் ஆர்யாவின் மிகப்பெரிய வெற்றிப் படமாகஅமைந்தது.

இப்படி தொடர் வெற்றிகளைச் சந்தித்து வந்த ஆர்யாவுக்கு முதல் அடியாக அமைந்த படம் ‘இரண்டாம் உலகம்’. செல்வராகவன் இயக்கத்தில் நடிகர் ஆர்யா, அனுஷ்கா நடிப்பில் மிகப் பிரம்மாண்டமாக எடுக்கப்பட்ட இந்தத் திரைப்படம், ரசிகர்கள் மத்தியில் எதிர்பார்த்த அளவிற்கு வரவேற்பு பெறாததால், மிகப்பெரிய தோல்வியைச் சந்தித்தது. அதன் பின் வெளியான, மீகாமன், வாசுவும் சரவணனும் ஒண்ணா படிச்சவங்க, யட்சன், பெங்களூர் நாட்கள், கடம்பன் என அனைத்தும் தோல்வி படங்களாகவே அமைந்தன.

இதனால், அவருக்கு வாய்ப்புகளும் குறையத் தொடங்கியது. மேலும், சில படங்கள் அவர் தயாரிப்பில் உருவானவை என்பதால், பண ரீதியாகவும் மிகப்பெரிய நஷ்டத்தைச் சந்தித்தார். இதன் காரணமாக, தனியார் தொலைக்காட்சி ஒன்றில் ஒளிபரப்பான ‘எங்க வீட்டு மாப்பிள்ளை’ என்ற நிகழ்ச்சியில் மணமகனாக பங்கேற்றார்.

அதில், அவருக்கு பல கோடி ரூபாய் சம்பளம் வழங்கப்பட்டது. ஆனால், அந்த நிகழ்ச்சியில் அவர் யாரையும் தேர்வு செய்யததால், அவருக்கு எதிராக சமூக வலைத்தளங்களில் கருத்துகள் தெரிவிக்கப்பட்டன.

இந்நிலையில், ஹர ஹர மஹாதேவகி, இருட்டு அறையில் முரட்டு குத்து உள்ளிட்ட படங்களை இயக்கிய சந்தோஷ் பி. ஜெயக்குமார் இயக்கத்தில், ஆர்யா தற்போது ‘கஜினிகாந்த்’ என்ற படத்தில் நடித்துள்ளார். இந்தப் படத்தில் அவருகுக் ஜோடியாக இளம் நடிகை சாயிஷா சைகல் நடித்துள்ளார். ஸ்டுடியோ கிரீன்நிறுவனத்தின் தயாரிப்பில் உருவாகி உள்ள இந்தத் திரைப்படம், ஆகஸ்ட் 3 ஆம் தேதி திரைக்கு வர உள்ளது.

தொடர் தோல்விகளையும், விமர்சனங்களையும் சந்தித்து வரும் ஆர்யா, இந்தத் திரைப்படத்தின் மூலம், மீண்டும் முன்னணி நடிகர்கள் வரிசையில் இணைவாரா என்பது படம் வெளியான பின்புதான் தெரியவரும். 

இந்தப் படத்தைத் தவிர, அமீர் இயக்கத்தில் உருவாகி வரும் சந்தன தேவன் திரைப்படம், நிதி பிரச்சனையால் நிறைவுபெறாமல் உள்ளது. அதேபோல், சுந்தர் சி. இயக்கத்தில் பிரம்மாண்டமாக உருவாக உள்ள ‘சங்கமித்ரா’ திரைப்படம் இன்னும் முழுமையாக திட்டமிடப்படவில்லை என்பதால், அவருக்கு இனி படங்கள் எதுவும் இல்லை என்பதும் குறிப்பிடத்தக்கது. 

Ninaivil

திரு செல்வராஜா குழந்தைவேலு
திரு செல்வராஜா குழந்தைவேலு
யாழ். அச்சுவேலி
கனடா
24 MAR 2019
Pub.Date: March 26, 2019
திரு அஜந்தன் முருகுப்பிள்ளை
திரு அஜந்தன் முருகுப்பிள்ளை
யாழ். குடத்தனை
யாழ். குடத்தனை
22 MAR 2019
Pub.Date: March 25, 2019
திருமதி ஸ்ராலின் அன்னமலர் (பவுணா)
திருமதி ஸ்ராலின் அன்னமலர் (பவுணா)
யாழ். நெடுந்தீவு
கிளிநொச்சி வட்டக்கச்சி
22 MAR 2019
Pub.Date: March 23, 2019
திரு சின்னத்துரை ராஜரத்தினம்
திரு சின்னத்துரை ராஜரத்தினம்
யாழ். குரும்பசிட்டி
கனடா
20 MAR 2019
Pub.Date: March 22, 2019
திரு திவ்வியன் மனோகரன்
திரு திவ்வியன் மனோகரன்
கனடா Toronto
கனடா Toronto
15 MAR 2019
Pub.Date: March 21, 2019
திருமதி சாந்திமலர் சுரேஸ்குமார் (ரதி)
திருமதி சாந்திமலர் சுரேஸ்குமார் (ரதி)
யாழ். மாவிட்டபுரம்
அவுஸ்திரேலியா
18 MAR 2019
Pub.Date: March 20, 2019