மஹிந்தவின் கருத்தால் பேரதிர்ச்சியடைந்த உறுப்பினர்கள் ஆவேசம்!

ஸ்ரீலங்காவின் அடுத்த ஜனாதிபதி வேட்பாளர் தொடர்பில் முன்னாள் ஜனாதிபதி மஹிந்த ராஜபக்‌ஷ இந்தியாவில் வெளியிட்ட கருத்து அவருக்கு ஆதரவான ஒன்றிணைந்த எதிரணிக்குள் பிளவை ஏற்படுத்தியுள்ளது.


ராஜபக்‌ஷ குடும்ப உறுப்பினர் ஒருவர் வேட்பாளராக களமிறக்கப்பட்டால் அதற்கு எதிராகப் போர்கொடி தூக்குவதற்கும் ஒரு பிரிவினர் தயாராகியிருப்பதாக கூட்டு எதிரணி வட்டாரங்கள் தெரிவிக்கின்றன.

உத்தியோகபூர்வ விஜயமொன்றை மேற்கொண்டு இந்தியா சென்றிருந்த முன்னாள் ஜனாதிபதி மஹிந்த ராஜபக்‌ஷ ஊடகங்களுக்கு வழங்கிய செவ்வியில், அடுத்த ஜனாதிபதி வேட்பாளராக தனது சகோதரர் ஒருவர் போட்டியிடுவார் எனக் கூறியிருந்தார். அவருடைய இந்தக் கருத்து ஒன்றிணைந்த எதிர்க்கட்சி உறுப்பினர்களுக்கு இடையில் அதிருப்தியை ஏற்படுத்தியுள்ளது.

ஜனாதிபதித் தேர்தலில் கோட்டாபய ராஜபக்‌ஷ களமிறங்குவது ஒன்றிணைந்த எதிர்க்கட்சியின் சிரேஷ்ட உறுப்பினர்கள் மத்தியில் அதிருப்தியைக் கொடுத்திருந்த நிலையில், மஹிந்த ராஜபக்‌ஷவின் இந்திய செவ்வி அவர்களை மேலும் எரிச்சலூட்டியிருப்பதாகவே தெரிகின்றது.

ஜனாதிபதி வேட்பாளர் விவகாரம் குறித்துக் கருத்துத் தெரிவித்துள்ள மஹிந்த ஆதரவு அணியைச் சேர்ந்த பாராளுமன்ற உறுப்பினர் குமார வெல்கம, ராஜபக்‌ஷ குடும்பத்துக்குள் வேட்பாளரைத் தெரிவு செய்யக் கூடாதென உறுதியாகக் கூறியுள்ளார்.

நேற்றைய தினம் ஊடகங்களுக்குக் கருத்துத் தெரிவிக்கும்போதே குமார வெல்கம இதனைத் தெரிவித்தார்.

"குடும்ப ஆதிக்கம் 2015ஆம் ஆண்டில் அவருடைய பணியில் தாக்கத்தை ஏற்படுத்தியிருந்தது. எல்லாவற்றுக்கும் மேலாக தனது குடும்பத்தையே முன்னாள் ஜனாதிபதி முன்னிலைப் படுத்தினார். இதனால் பல அமைச்சர்கள் கூட அவரை வெறுக்கத் தொடங்கினர்.

ஆதரவு வழங்கியவர்கள் கூட அவருடைய செயற்பாடுகளால் அதிருப்தியடைந்திருந்தனர். எமது கட்சி எல்லாருக்கும் உரிமையானது. எனவே ஜனாதிபதி வேட்பாளர் பதவியை ஒரு குடும்பம் மாத்திரம் உரிமை கொண்டாட முடியாது" என்றும் அவர் குறிப்பிட்டுள்ளார்.

முன்னாள் ஜனாதிபதியின் குடும்ப வட்டத்துக்கு அப்பால் சிரேஷ்ட உறுப்பினர்கள் பலர் கட்சியில் இருக்கின்றனர். இவர்களில் ஜனாதிபதி வேட்பாளருக்கு யார் பொருத்தமானவரென தெரிவு செய்யப்பட வேண்டும்.

"ஜே.ஆர்.ஜயவர்த்தன தனக்கு அடுத்த தலைவரான ரணசிங்க பிரேமதாசவை ஜனாதிபதி வேட்பாளராக்க விரும்பவில்லை. அதன் பின்னர் சந்திரிகா குமாரதுங்க, மஹிந்த ராஜபக்‌ஷவை ஜனாதிபதி வேட்பாளராக்க விரும்பவில்லை" என்றும் அவர் சுட்டிக்காட்டினார்.

தனது குடும்பத்துக்குள் ஜனாதிபதி வேட்பாளர் ஒருவரை நிறுத்துவதற்கு முன்னாள் ஜனாதிபதி முயற்சித்தால் ஒன்றிணைந்த எதிர்க்கட்சி அதற்கு எதிராக செயற்படுவதற்கு பின்னிற்கப் போவதில்லையென்றும் குமார வெல்கம கூறியுள்ளார்.

எமது நிர்வாகத்தில் உரிய இடத்தை வழங்காமையால் தான் மைத்திரிபால சிறிசேன எமது அரசாங்கத்தைவிட்டு வெளியேறி எதிராகப் போட்டியிட்டதை நாம் மறந்துவிடக்கூடாது. மீண்டுமொரு மைத்திரியை உருவாக்குவதற்காக முன்னாள் ஜனாதிபதி முயற்சிக்கிறாரா? என்றும் குமார வெல்கம கேள்வியெழுப்பியுள்ளார்.

இதேவேளை, இந்தியாவுக்குச் சென்ற முன்னாள் ஜனாதிபதி மஹிந்த ராஜபக்‌ஷ இந்தியப் பிரதமர் உள்ளிட்ட தலைவர்களைச் சந்தித்துள்ளார். இந்தச் சந்திப்புக்களுக்கு தனது புதல்வர் நாமல் ராஜபக்‌ஷவையும் அழைத்துச் சென்றிருந்தார். நாமல் ராஜபக்‌ஷவை அடுத்த தலைவராக்குவதற்கு முன்னாள் ஜனாதிபதி முயற்சிப்பதாக விமர்சனங்கள் முன்வைக்கப்படும் நிலையில் அவர்களின் இந்திய விஜயம் அமைந்துள்ளமை குறிப்பிடத்தக்கது.

Ninaivil

திரு கிருஸ்ணபிள்ளை உதயகுமாரன்
திரு கிருஸ்ணபிள்ளை உதயகுமாரன்
புங்குடுதீவு
புங்குடுதீவு
15 செப்ரெம்பர் 2018
Pub.Date: September 17, 2018
திரு குமாரசாமி லிங்கதாசன் (The Former Agriculture Instructor)
திரு குமாரசாமி லிங்கதாசன் (The Former Agriculture Instructor)
யாழ். மானிப்பாய
கனடா
14 செப்ரெம்பர் 2018
Pub.Date: September 15, 2018
திருமதி பசுபதி இராசமணி
திருமதி பசுபதி இராசமணி
யாழ். பலாலி
பிரான்ஸ்
12 செப்ரெம்பர் 2018
Pub.Date: September 14, 2018
திருமதி பாலசுப்பிரமணியம் விக்னேஸ்வரி (பேபி)
திருமதி பாலசுப்பிரமணியம் விக்னேஸ்வரி (பேபி)
யாழ். கொக்குவில்
ஜெர்மனி
11 செப்ரெம்பர் 2018
Pub.Date: September 13, 2018
திரு அழகரத்தினம் மோகனநாதன் (மதன்)
திரு அழகரத்தினம் மோகனநாதன் (மதன்)
வவுனியா
சுவிஸ்
7 செப்ரெம்பர் 2018
Pub.Date: September 12, 2018
திருமதி கனகரத்தினம் செல்லம்மா
திருமதி கனகரத்தினம் செல்லம்மா
யாழ். கட்டுவன்
கனடா
10 செப்ரெம்பர் 2018
Pub.Date: September 11, 2018